نسيت شهادتك راحت فين ولا ناوي تفكسها؟
هتقرا الفاتحة إزاي و مفيش في جيبك نكلة؟
دي شغله عره يابني شوفلك غيرها
اكلم عمرو إللي في البنك يعملنا الخدمة؟
هكلم بسيوني يشوفلك مكان في الشركة
اكرملك انك تبقي موظف دخلك ثابت تماً
و تجيب إللي انت عايزه بس تحوش سنه سنه
و جيبله كلب جولدن سميه سيمبا
اسمعني ياض انا بعملك خدمة
ولا انت فاكر اني سايبك يسطي؟
ولا انت فاكر إني حابب اقعد اصطبح و اسكر
معانا في الشقة معرفش إسمهم اصلاً
حلقان عالرجالة و مش قارقه النظرة
تلحيس في كل حته لأجل اللقطة
بتنافق خلق الله و مصيرك قطمة تكسرك
و اديها سنة تعدي, و سنة تلحم فيها
و انت لسه حابس مازن جواك كاإني رهينة
قولتلك بس كل ما اتكلم تقولي انا طالع
الدكتورة بتقولي انت محتاج تتفاءل
بتقولي حب نفسك شويه انت بتضيع يا مازن
قولتلها مش بإيدي, و لو بإيدي قولي ليه
ببص عال أسفلت باشتياق من الدور الثامن؟
انا في زحمة في دماغي, و من فترة النور اتطفي
قربت من ربنا و مفوتش ولا صلاة
قطعت عنك النجاسه, فوقت من القرف
يوماتي بأخذ حبيتين بحارب بيهم الأرق
بس مازلت بتحاول تنهش فيا عند
بتعذب فيا كل يوم مفيش مره استسلمت
حالة نوبة ذعر و قلق دايمه مابتفصلش
خليتني عايز اتدفن تحت الأرض و ماكملش
انا بصحي الصبح نفسي انام تاني و ماسمعش ليك
انا مهما عملت مش هتسيبني و مش هعرف ارضيك
كل إللي نفسي فيه بس اسألك سؤال وحيد
و بمساعدة الدكتورة فهمت اني قصرت
كتير معاك و انا مش داري باللي حالك فيه
و انت كل يوم تحاول تشرح بس بصمت
بمسح كل يوم في ذكري ليك سنه سنه
مستعر منك و مش عايز افتكرك تماً
و وسط كل ده تعافر علشان تقولي كلمة
عيشنا طفولة صعبة جداً بس كنا سوا
لما كانوا صحابك يخرجوا كنت بتشتغل
كانوا لسه بيتدلعوا و انت شايل جبل
كنت تغير لما تسمع صاحبك بيكلم دادي
كنت بوصلة لنفسك و ماحتجتش حد تاني
كنت واقف جنب امك وقفة الشناوي
بس انا مش بلومك علشان انت طلعت صح
كافحت و بنيت نفسك طلعت من تحت الأرض
كونت ليك شخصية طلعت راجل صح الصح
فاهم المبادئ و قلبك اكبر من البحر و ما بتخونش
عندك الولاء اهم حاجة بعد الأم
كريم جداً تصرف علي اللي تحبه و ما بتقولش
صريح جداً مع نفسك ماتنامش لو في حد شايل منك
كلنا إبن ادم, ده سيدنا ادم نفسه وقع
و لو كل غلطة بدرس فا مابالك بالموعظة
و نسيت اقولك بس حاجة لسه مستوعبها
و لولا انك في مخي انت نفسك تبقي هنا
و تسقفلي, و تترمي في حضني
انا فخور بيك, علشان انا إللي شالني
انا فخور بيك علشان انا إللي شالني