الأيام مش زي بعضها بس أيامي زي بعضها
وحاجات ياما كانت في إيديّ دي الوقت نفسي أوصل لها
الأيام زحمة وداوشاني وسلامتِك يا دماغي
نفسي أشاركني لحظة صمت والأيام واخذاني
اللي بكيته نشف على خدّي، إتبخر ونساني
أنا عارف إن الصامت ناجي بس هتكلّم ثاني
ولا غمض عيوني طول الليل، بقى ده العادي نعمل إيه؟
والناس نايمة ومش حاسّين وقلبي زي طير حزين
(أشكي لمين؟ مين هيحِس؟ كلها دنيا وعايشين فيها، عايشين فيها (بس هتكلّم ثاني
قولي لي أعمل إيه في الحيرة؟ أنا مش عايز أعيش في عذاب
أنا هعيش لنفسي ولّا هفضّي نفسي وأعيش للناس؟
قولي لي أعمل إيه في الحيرة؟ أنا مش عايز أعيش في عذاب
أنا هعيش لنفسي ولّا هفضّي نفسي وأعيش للناس؟
الأيام، الأيام فرَمِت أحلامي
الأيام، الأيام بتفوت قدامي
الأيام، الأيام فرَمِت أحلامي
الأيام، الأيام بتفوت قدامي
الأيام مش زي بعضها بس أيامي زي بعضها
وحاجات ياما كانت في إيديّ دي الوقت نفسي أوصل لها
الأيام مش زي بعضها بس أيامي زي بعضها
كل الفرحة اللي في الدنيا كانت في إيديّ وضيَّعتها
ولا غمض عيوني طول الليل، بقى ده العادي نعمِل إيه؟
والناس نايمة ومش حاسّين وقلبي زي طير حزين
(أشكي لمين؟ مين هيحِس؟ كلها دنيا وعايشين فيها، عايشين فيها (بس هتكلّم ثاني